Миллий статистика қўмитасига кўра, 2026 йил январ–июн ойларида Ўзбекистон 57 та хорижий давлатга 60 миллион долларлик 47,7 минг тонна майиз экспорт қилган. Бу 2025 йилнинг мос даврига нисбатан 704,5 тоннага ошган.

Энг кўп майиз Қозоғистонга етказиб берилган — 15,2 минг тонна. Хитой 6 минг тонна, Россия 5,6 минг тонна билан кейинги ўринларни эгаллаган.

Шунингдек, Туркияга 3,9 минг тонна, Эронга 1,7 минг тонна, Украинага 1,6 минг тонна, Озарбайжонга 1,4 минг тонна майиз экспорт қилинган.

Грузияга 1,2 минг тонна, Бирлашган Араб Амирликларига 1,1 минг тонна, Германияга 1 минг тонна майиз етказиб берилган. Бразилияга экспорт ҳажми 994,2 тоннани ташкил этган. Қолган давлатларга жами 8 минг тонна майиз экспорт қилинган.

БМТнинг Comtrade маълумотлар базасига кўра, 2024 йилда Ўзбекистон 53 минг тонна майиз экспорт қилган ва бу кўрсаткич бўйича дунёда 7-ўринни эгаллаган.

Ўша йилда майиз экспорти бўйича Туркия 205,9 минг тонна билан биринчи, ЖАР 81,7 минг тонна билан иккинчи, Хитой 76,4 минг тонна билан учинчи ўринда бўлган. Кейинги ўринларни Чили — 59,1 минг тонна, Ҳиндистон — 55,6 минг тонна, АҚШ — 53,7 минг тонна ва Ўзбекистон — 53 минг тонна билан эгаллаган.