Эрон АҚШ терма жамоасини 10 та ўйиндан четлатишни талаб қиляпти
Қатардаги жаҳон чемпионатида иштирок этаётган АҚШ терма жамоаси матбуот хизмати эмблемасиз Эрон байроғи суратини эълон қилди. Матбуот хизмати кейинроқ тушунтиришича, бу ишни инсон ҳуқуқлари учун курашаётган эронлик аёлларни қўллаб-қуватлаш мақсадида қилишган.
Эрон ўз давлат рамзи ҳақоратланганига жавобан АҚШ терма жамоасини 10 та ўйиндан четлатишни талаб қилмоқда.
Эслатиб ўтамиз, B гуруҳининг сўнгги, учинчи турида Эрон ва АҚШ 30 ноябр куни ўзаро куч синашади. Ўйин тунги соат 00:00 да бошланади. Ўтказилган икки ўйиндан сўнг Эрон гуруҳда иккинчи (3 очко), АҚШ учинчи (2 очко) ўринни эгаллаб турибди. Ғалаба ҳар икки жамоани кейинги босқичга олиб чиқади, Эрон учун дуранг ҳам етарли бўлиши мумкин (бунинг учун Англия Уэлсга ютқазмаслиги керак).
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter