Пеленинг илк жаҳон чемпионатида кийган футболкаси 6 млн долларга аукционга қўйилди
Уч карра жаҳон чемпиони Пеленинг футболкаси аукционга чиқарилди.
Аукцион жорий йилнинг 29 июнидан 16 июлигача давом этади. Лотнинг бошланғич қиймати 6 миллион долларга баҳоланмоқда.
Савдога қўйилган футболка шунчаки спорт кийими эмас, балки бутун бир давр рамзи саналади: айнан шу футболкада 17 ёшли Пеле 1958 йилги жаҳон чемпионати финалида Швеция терма жамоасига қарши майдонга тушган. Ўша учрашувда бразилиялик ҳужумчи мезбонлар дарвозасига иккита гол урган.
Унинг голлари нафақат Бразилияга жаҳон чемпионатлари тарихидаги илк чемпионликни тақдим этди, балки Пелени жаҳон чемпионатлари финаллари тарихидаги энг ёш гол муаллифига айлантирди. Ушбу рекорд ҳозиргача янгиланмаган.
Пеле футболчи сифатида уч марта жаҳон чемпиони (1958, 1962 ва 1970 йиллар) бўлган ягона футболчи ҳисобланади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter