Бугун оқшом катта футбол кечаси бўлиб ўтади. Чемпионлар лигаси 2021-2022 йил мавсумининг гуруҳ босқичи сўнгги тури қизиқ ўтиши кутилмоқда. Бугун А, В, C, D гуруҳларида 6-тур ўйинлари ўтказилиши режалаштирилган.

А гуруҳи

А гуруҳидаги иккинчи ўрин аллақачон «Париж Сен-Жермен» учун ўйин натижаси муҳим бўлмаса ҳам, «Брюгге» учун бу баҳс аҳамиятли. Бельгияликлар эса тўлиқ эътиборини қаратиши керак, чунки «Лейпциг» «Манчестер Сити»ни ўз уйида мағлуб этса ва улар Парижда енгилсалар, Европа лигасидан ҳам жудо бўлишади. «ПСЖ» жорий мавсумда барча мусобақаларда ўнта уй ўйинида мағлуб бўлмаган. Шундан тўққизтасида ғалаба қозонган. Бугун бельгияликларга осон бўлмаслиги аниқ. Гвардиола шогирдлари Германияга сафар қилишади. Бугун «Лейпциг» жон-жаҳди билан ўйнаши тайин. Гарчи ўтган турда «Брюгге»ни 5:0 ҳисобида мағлуб этган бўлса-да, очколар тенг. Мағлубият жамоани ЕЛдан айириши мумкин. Агар Парижда мезбонлар мағлуб бўлмасалар, немисларни дуранг ҳам қониқтиради, акс ҳолда эса «Лейпциг» ғалаба қозонишга мажбур бўлади.

В гуруҳи

Қуръадан сўнг ўлим гуруҳи деб аталган «В» гуруҳида «Ливерпуль» осонгина чиқди. Гуруҳда иккинчи ўринни олиш жуда мураккаб вазиятга келиб қолди. Бугун ливерпулликлар Италияда ЕЧЛнинг энг машҳур жамоаларидан бири «Милан» меҳмони бўлади. «Милан» ҳар қандай ҳолатда ҳам ғалаба қозонишлари керак. Шундан сўнг Португалиядаги баҳсга эътибор қаратишлари мумкин. Агар «Порту» «Атлетико Мадрид»ни мағлуб этса, Европа лигаси плей-оффида ўйнашади. Акси бўлса, «яшил қитъа»даги ўйинлар Милан жамоаси учун тугайди. «Атлетико» нафақат ўзи ғалаба қозониши, Клопп шогирдларининг ҳам очко йўқотмасликларини умид қилишлари керак. «Порту» жорий мавсумда барча турнирларда ўз майдонида ўтказилган 9 та ўйиндан саккизтасида ғалаба қозонди. Аргентиналик мураббий шогирдлари ЕЧЛнинг плей-оффида ўйнашлари тобора мураккаблашиб бормоқда. ЛаЛиганинг ўтган мавсум чемпионлари шундай қийин вазиятга тушиб қолишди.

C гуруҳи

Бугунги ўйин норвегиялик истеъдод учун мавсумдаги сўнгги ЕЧЛ ўйини бўлиши мумкин. Ҳоланд жамоаси Европа Лигасига йўлланма берувчи ўриндан тушиб кетмасалар-да, иккинчи ўринни олишлари ниҳоятда мураккаб бўлиб қолди. «Боруссия Дортмунд» турк жамоасига жавобсиз 5 та тўп киритиши, «Спортинг» эса Нидерландияда камида жавобсиз 5 та тўп ўтказишлари керак бўлади. Бу эса амалга ошиши фантастик ҳолатга ўхшаб кўринмоқда.

D гуруҳи

«Реал» учун дуранг натижа етарли. Мадридда кечадиган ўйин гуруҳда биринчи ва иккинчи ўринни аниқлаб беради. Карло Анчелотти гуруҳда иккинчи бўлиш «Манчестер Сити» ёки «Бавария» каби кучли клублар билан плей-оффдаёқ учрашишни истамаслиги тайин. Италиялик таваккал қилмайди, «Реал»га камида дуранг керак. «Интер»да ҳам «қаймоқранглилар»да бўлгани каби мотивация бор. Бугунги баҳсда мадридликларнинг етакчи ўйинчиси Карим Бензима майдонга тушмайди. Сентябрь ойида «Сан-Сиро»да «Реал» 1:0 ҳисобида ғалаба қозонган эди. Умуман олганда, сўнгги йилларда миланликлар Мадридда ғалаба қозона олмаяптилар.

Ҳамюртимиз тўп сураётган «Шериф» «Шахтёр Донецк» меҳмони бўлади. Украиналиклар бугун мухлислар учунгина майдонга тушишади. «Шахтёр Донецк» ҳар қандай ҳолатда ҳам ўз юришини тўхтатди.