Avtomobil import qilishdagi «yiliga bitta sertifikat» cheklovi bekor qilindi
Prezidentning 2026 yil 4 iyundagi «Qurilish sohasida natijaga asoslangan boshqaruvni joriy etish hamda sohada davlat xizmatlarini soddalashtirish chora-tadbirlari to‘g‘risida»gi farmoni qabul qilindi.
Hujjatga binoan, 2029 yil 1 iyulga qadar O‘zbekistonda ishlab chiqarilmaydigan, qurilish ishlarida foydalaniladigan maxsus texnika vositalarini hamda laboratoriya va instrumental ko‘rik asbob-uskunalarini olib kirishda bojxona boji undirilmaydi. Bojdan ozod etiladigan maxsus texnika vositalari ro‘yxati Vazirlar Mahkamasi tomonidan tasdiqlanadi.
Shuningdek, hujjat bilan «Muomalaga chiqarilayotgan g‘ildirakli transport vositalarining xavfsizligi to‘g‘risidagi umumiy texnik reglament»ga kiritilgan o‘zgartirishlarga ko‘ra, jismoniy va yuridik shaxslar tomonidan transport vositasini import qilishda bir yilda bir dona transport vositasiga muvofiqlik sertifikati berilishiga doir norma bekor qilindi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter