Android qurilmalar uchun Xabar.uz mobil ilovasi. Yuklab olish ×

АҚШнинг янги Давлат котиби ким бўлиши ойдинлашди

АҚШнинг янги Давлат котиби ким бўлиши ойдинлашди

АҚШнинг янги сайланган президенти Жо Байденнинг ташқи сиёсат бўйича маслаҳатчиси Тони Блинкен давлат котиби бўлиши кутиляпти. Бу ҳақда New York Times газетаси манбаларига асосланиб хабар берди.

Ўз навбатида, Hill газетаси Байден давлат котиби лавозимига номзод тўғрисида қарор қабул қилгани ҳақида хабар берди. Блинкен ушбу лавозим учун фаворит ҳисобланган.

ABC News ва Bloomberg манбалари ҳам Блинкен давлат котиби этиб тайинланганлигини даъво қилмоқда.

Тони Блинкен аввал Давлат котиби ўринбосари лавозимида ҳам ишлаган. 

Шу билан бирга, Ҳиллари Клинтоннинг собиқ ёрдамчиларидан бири Жейк Салливан президентнинг миллий хавфсизлик бўйича ёрдамчисига айланади.

Эслатиб ўтамиз, 3 ноябрь куни бўлиб ўтган сайловларда Жо Байден амалдаги президент Доналд Трампни президентлик пойгасида маҳлуб этди. 

Izohlar

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring