АҚШ иккита суперқудратли авиабомбани синовдан ўтказди (видео)
Бугун, 17 май куни АҚШ ҳарбий-ҳаво кучлари иккита улкан «GBU-57» авиабомбасини синовдан ўтказгани ҳақидаги видео «YouTube»даги «Ultimate Military Channel» каналида пайдо бўлди.
Бомбалар «B-2 Spirit» бомбардимончи самолётидан ташланган. Видеода иккита бомба кетма-кет ташлангани ва нишонга аниқ тушиб, бир неча сониядан сўнг портлагани акс этган.
«GBU-57» туркумига кирувчи снарядлар энг қудратлиларидан саналади. Улар ерга 61 метргача чуқурликда кириб кетиши, 19 метр қалинликдаги темир-бетонни ёриб ўтиши мумкин. Ҳар бир бомбанинг оғирлиги — 13,6 тонна.
Бункерларга қарши ишлатилувчи «GBU-57» авиабомбалари 2007 йили ишлаб чиқарилган. Улар Эрон ва КХДРнинг ер ости ҳарбий истеҳкомлари ва объектларини йўқ қилишга мўлжалланган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter