Энергетика вазирлиги «Mitsubishi» компанияси билан ҳамкорлик қилади
13 июнь куни Ўзбекистон Республикаси Энергетика вазирлигида «Mitsubishi» компанияси Халқаро департаменти Бош менежери, СОО компаниялари гуруҳи ўринбосари Казухиро Ватанабе билан учрашув бўлиб ўтди. Бу ҳақда вазирлик матбуот хизмати «Xabar.uz»га маълум қилди.
Учрашувда Ўзбекистон-Япония иқтисодий қўмитаси 15-йиғилишнинг амалий-ташкилий жиҳатлари муҳокама қилинди. Шунингдек, энергетика ва нефть-газ соҳасидаги янги лойиҳалар хусусида сўз юритилди.
Навоий ИЭСда замонавий буғ-газ қурилмаларининг 3-4 босқичи қурилиши, шунингдек Mitsubishi компанияси томонидан ишлаб чиқарилган газ турбиналари учун хизмат кўрсатиш ва сервис марказларини ташкил этиш шулар жумласидан.
Учрашувда шунингдек, «Mitsubishi» компанияси МТО газ-кимё кластерлари яратиш бўйича лойиҳаларда ҳамда Ўзбекистон Республикаси газ-транспорт тизимини модернизация қилишда иштирок этишга қизиқиш билдираётгани таъкидланди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter