ОАВ: Давид Сильва Қатар клубига ўтиши мумкин
«Манчестер Сити»нинг испаниялик яримҳимоячиси Давид Сильва Англия чемпионатини Қатар чемпионатига алмаштириши мумкин. Бу ҳақда бугун, 26 май куни «The Sun» хабар берди.
Нашр манбасига кўра, Қатар футбол клубларидан бири 33 ёшли испан футболчисига 14 млн. евро қийматидаги икки йиллик шартнома таклиф этмоқда.
Таъкидланишича, Сильванинг кетиши «МС» учун катта йўқотиш бўлади, бироқ футболчининг ўзида бу ерда қолишдан кўра кетишга мойиллик кучлироқ. Унинг «шаҳарликлар» билан шартномаси 2020 йилгача тузилган, трансфер қиймати эса тахминан 25 млн. еврони ташкил этади.
Маълумот учун: Давид Сильва «Манчестер Сити»га 2010 йили «Валенсия»дан келиб қўшилган. «МС» билан бирга тўрт марта Англия чемпиони бўлиб, икки маротаба Англия кубогини қўлга киритган. Бу йилги мавсумда у клуб таркибида 50 марта майдонга тушиб, 10 та гол, 11 та голли узатмага муаллифлик қилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter