Fuqarolarimizni o‘z vataniga qaytarish O‘zbekiston Respublikasi Hukumatining bevosita majburiyatidir va ushbu maqsadlar uchun chora-tadbirlarni amalga oshirish faqat insonparvarlik nuqtai nazaridan kelib chiqadi.

Jabrdiydalarning orasida oliy ma’lumotli, to‘rt-beshta tilni biladigan ayollar ham borligi kishini hayron qoldiradi.

2013-yilning noyabrida Suriyaga qarab yo‘l oldik. Bizlarni dastavval avtobusda chegaragacha olib borishdi. So‘ngra chegaradan u tomonga piyoda olib ketishdi. Suriyada 2 yilcha yashaganimizdan so‘ng urush boshlandi. Yashayotgan uylarimiz yer bilan yakson qilindi. Jon saqlash uchun har tomonga zir yugurdik. Samolyotdan tashlangan bombadan jarohat oldim.

Ular uchun Xalq ta’limi vazirligi tomonidan Toshkent viloyatida maxsus mobil maktab tashkil etildi. O‘quvchilar yoshidan kelib chiqib, boshlang‘ich va yuqori sinflarda ta’lim-tarbiya olmoqda.

Ziddiyatli hududlardan qaytgan vatandoshlarimizni ijtimoiy reabilitatsiya hamda sog‘lomlashtirish maqsadida Toshkent viloyati hududidagi sanatoriyda 154 nafar fuqaroga tegishli yordam ko‘rsatilib, 1 nafar fuqaro sog‘lig‘i tufayli shifoxonada davolanmoqda.