«It kallasi mashinaga yopishtirilgan» holat oydinlashdi
Ijtimoiy tarmoqlarda «Sirdaryoda «Jiguli» haydovchisi itini o‘ldirib, kallasini mashinaga yopishtirib, aylanib yurgani aytildi» mazmunida foto-xabar tarqaldi.
Ushbu holat yuzasidan Sirdaryo viloyati IIB mas’ul xodimlari avtomashina haydovchisi aniqlanib holatga oydinlik kiritildi.
Avtomashina haydovchisi Guliston shahrida yashovchi 1988-yilda tug‘ilgan fuqaro A.A joriy yilning 28-noyabr kuni o‘ziga qarashli fermadan yashash xonadoniga itini olib ketish maqsadida avtomashinasini yukxonasiga joylab olib ketayotgan vaqtda iti avtomashina yoqilg‘i quyish baki qopqog‘idan boshini chiqarib olgan holatida ijtimoiy tarmoq faollari tomonidan suratga olinib, noto‘g‘ri talqin qilinib tarqatilgani ma’lum bo‘ldi.
Foto: Sirdaryo viloyati IIB Axborot xizmati
Holat yuzasidan mas’ul xodimlar tomonidan haydovchiga profilaktik tushuntirishlar berilib, xavfsizlik qoidalariga amal qilishlik yuzasidan ogohlantirilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter