Sadir Japarov Qirg‘izistonning birinchi avtobusini sinovdan o‘tkazdi
Qirg‘izistonning «Beles.KG» MChJ korxonasi mamlakatda yo‘lovchi avtobusi ishlab chiqargan ilk mahalliy kompaniya bo‘ldi. Davlat rahbari Sadir Japarov Chu viloyatiga tashrifi chog‘i avtobuslarni shaxsan boshqarib, sinab ko‘rdi.
Ta’kidlanishicha, zamonaviy namunadagi «Beles» avtobuslariga dizel dvigatellar o‘rnatilgan bo‘lib, ekologiya bo‘yicha Yevro-5 standartiga javob beradi.
«Yaqin kunlarda avtobus namunalari laboratoriya-poligon sinovlaridan o‘tkazish uchun chet elga yuboriladi, shundan so‘ng sanoat miqyosida ishlab chiqarish boshlanadi», — deyiladi Qirg‘iziston hukumati xabarida.
Aytilishicha, «Beles»ning navbatdagi avtobus namunasi elektr dvigatelli bo‘ladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter