«Zamministrning ikkinchi xotini» yana qo‘lga tushdi
Ijtimoiy tarmoqlarda o‘zini vazir o‘rinbosarining ikkinchi xotini deya tanishtirgan va YPX xodimlari bilan talashgan ayol videosi keng muhokamalarga sabab bo‘lgan edi.
Ushbu holatdan keyin o‘sha ayol (M.E.) joriy yilning 27 avgust kuni ijtimoiy tarmoqda avtomobil boshqaruvi vaqtida qo‘l telefondan foydalangan holda video tarqatdi. Unda avvalgi video orqali juda tez mashhurlikka erishganini bildiradi. Bu video ham rulda telefondan foydalanilgani sabab keng jamoatchilik e’tirozlariga sabab bo‘lgan.
Yo‘l harakati xavfsizligi Bosh boshqarmasi xabariga ko‘ra, fuqaro, 1996 yilda tug‘ilgan M.E. haydovchilik guvohnomasiga ega bo‘lmasdan avtomobil boshqarganligi, boshqaruv vaqtida telefondan foydalanganligi bo‘yicha Toshkent viloyati IIBB YHXB YPX xodimi Yu.Saydaliyev tomonidan bayonnoma tuzilib, «Neksiya-3» rusumli, 01 X743DB davlat raqam belgili avtomobil vaqtincha saqlash uchun jarima maydoniga qo‘yilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter