Andijonda prokuror yordamchisi pora bilan qo‘lga tushdi
Andijon viloyatining Qo‘rg‘ontepa tumani prokurori yordamchisi N. E. pora olayotganda qo‘lga tushdi.
Ayni ma’lumotni Xabar.uzning viloyat huquqni muhofaza qiluvchi organidagi manbasi tasdiqladi.
Voqelik joriy yilning 10-iyul kuni sodir bo‘lgan.
Aytilishicha, tuman prokurori yordamchisi bir ayolga nisbatan firibgarlik va pora berishga qasd qilish alomatlari bilan qo‘zg‘atilgan jinoyat ishi bo‘yicha yengillik qilib berishni va’da qilib, evaziga 3000 (uch ming) AQSh dollari so‘ragan. Talab qilingan pulning teng yarmini avvalroq olib, qolgan yarmini olayotgan paytda daliliy ashyo bilan ushlanadi.
Ayni paytda tuman prokurori yordamchisiga nisbatan jinoyat (JK, 210-modda – pora olish) ishi qo‘zg‘atilib, tergov harakatlari boshlab yuborilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter