Moskvada 6 nafar o‘zbekistonlik halok bo‘lgani yuzasidan tergov olib borilmoqda
O‘zbekistonning Rossiyadagi Elchixonasi 2020-yil 5-may kuni Moskva viloyatining Ramenskiy tumanidagi shaxsiy turar-joyda yong‘in oqibatida 6 nafar mamlakatimiz fuqarolari halok bo‘lgani to‘g‘risida ma’lum qildi.
Rossiyaning vakolatli organlari tomonidan tergov ishlari olib borilmoqda.
Ushbu holat O‘zbekistonning Moskva shahridagi Elchixonasining Konsullik bo‘limi nazoratiga olingan.
TIV Konsullik-huquqiy departamenti halok bo‘lganlarning oila-a’zolari va yaqinlariga hamdardlik izhor etadi va Rossiyadagi mamlakatimiz fuqarolari zarur hollarda O‘zbekiston Elchixonasiga (tel.: +7-499 230-00-76, +7-499-238-36-20) hamda O‘zbekiston Respublikasi Bandlik va mehnat munosabatlari vazirligi huzuridagi Tashqi mehnat migratsiyasi agentligining Moskva shahridagi vakolatxonasiga (tel.: +7-925-045-47-44) murojaat qilishlari mumkinligini eslatadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter