Namangandagi sement zavodiga nima bo‘ldi? Rasmiy izoh berildi
Ijtimoiy tarmoqlarda Namangan viloyatining Yangiqo‘rg‘on tumanidagi sement ishlab chiqarish zavodi qulab tushgani haqida videoxabar tarqaldi. Namangan viloyati FVB holatga rasmiy munosabat bildirdi.
Qayd etilishicha, Yangiqo‘rg‘on tumani, Oqtepa mahalla fuqarolar yig‘inida joylashgan «Jahon yevro servis» mas’uliyati cheklangan jamiyati tomonidan sement ishlab chiqaruvchi zavodda faqat omborning tom qismi qulagan.
«Olib borilgan o‘rganish davomida zavoddagi omborga yarim tayyor mahsulot belgilangan me’yordan ko‘p miqdorda olinganligi sababli omborning tom qismi qulagani aniqlandi», deyiladi rasmiy xabarda.
Hodisa oqibatida jabrlangan shaxslar yo‘qligi ma’lum qilindi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter