Qibrayda mototsikl mingan chol piyodani urib yubordi
«Yava» rusumli mototsiklni boshqargan nafaqaxo‘r piyodani urib yubordi, deb xabar bermoqda Toshkent viloyat IIB huzuridagi Tergov boshqarmasi.
Qayd etilishicha, kecha, 5-mart kuni soat 19:30 larda Qibray tumanida yashovchi nafaqaxo‘r T.H. o‘ziga tegishli «YaVA» rusumli mototsiklini Qibray tumani bo‘ylab boshqarayotib, Qibray tumanida yashovchi piyoda H.Sh.ni urib yuborgan.
Oqibatda H.Sh. «o‘ng boldir suyagi yopiq sinishi» tashxisi bilan kasalxonaga yotqizilgan.
Mazkur holat yuzasidan Qibray tuman IIB huzuridagi Tergov bo‘limi tomonidan tergovga qadar tekshiruv harakatlari o‘tkazilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter