Samarqandda kuchli shamol shahardagi bayram archalarini buzib yubordi
20-dekabrdan 21-dekabrga o‘tar kechasi esgan kuchli shamol tufayli Samarqand shahridagi qator reklama pannolari, ko‘rgazmali vositalar o‘rnatilgan joyidan tushib ketishi, yirtilishi kabi holatlar kuzatildi, deb xabar bermoqda shahar hokimligi axborot xizmati.
Qayd etilishicha, So‘lim shaharchasi va boshqa ba’zi hududlarda bezatilgan bayram archalari asosi egilib qoldi.
«Ayni paytda ushbu kamchiliklarni bartaraf etish, archalar karkaslarini ta’mirlash maqsadida demontaj ishlari olib borilmoqda. Kun davomida Yangi yil archalari ta’mirlanib, o‘z o‘rnida qayta o‘rnatiladi va madaniy tadbirlar dastur asosida davom ettiriladi», deyiladi xabarda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter