Urganchda «Damas» bilan to‘qnashgan «Lasetti» yonib ketdi (foto)
Joriy yilning 15-may kuni Xorazm viloyati, Urganch shahrida haydovchi, 26 yoshli X.Sh. boshqaruvidagi «Lasetti» rusumli hamda 36 yoshli M.F. boshqaruvidagi «Damas» rusumli avtomobillar ishtirokida to‘qnashuv sodir bo‘lgan.
Zarb oqibatida «Lasetti» rusumli avtomobil yo‘lni chetidagi beton to‘siqqa urilgan va dvigatel qismida yong‘in yuzaga kelgan, deya ma’lum qildi YHXB matbuot xizmati.
Yong‘in bartaraf etilgan. To‘qnashuv va yong‘in natijasida tan jarohati olgan fuqarolar yo‘q. Transport vositalariga zarar yetgan.
Mazkur hodisa yuzasidan Urganch shahar IIO FMB YHXB tomonidan surishtiruv harakatlari olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter