Xonadonga tushgan o‘g‘ri universitet talabasi bo‘lib chiqdi
Noma’lum shaxs G‘ijduvon tumani Armechan mahallasida yashovchi fuqaroning xonadoniga o‘g‘rilikka tushdi.
Qayd etilishicha, u xonadonda bo‘lgan shkaf ichidan umumiy bahosi 12.000.000 so‘mlik 1 dona erkaklar kumush uzugi, 1 dona ayollar tilla uzugi, 1 dona ayollar tilla to‘g‘nog‘ichi, 1 dona tilla zanjiri, 1 dona bijuteriya to‘g‘nog‘ichi hamda 1 juft bijuteriya ayollar ziraklarini o‘g‘irlab ketgan.
Mazkur holat yuzasidan tuman IIB tomonidan noma’lum shaxsga nisbatan O‘zbekiston Respublikasi JK ning 169-moddasi 2-qismi «g» bandi bilan jinoyat ishi qo‘zg‘atilgan.
Jinoyat ishi bo‘yicha olib borilgan tezkor-surishtiruv hamda tergov harakatlari davomida ushbu jinoyatni G‘ijduvon tumani Dilkusho mahallasida yashovchi 2004 tug‘ilgan Buxoro Davlat universitetining 1-bosqich talabasi B.U. sodir qilganligi aniqlanib, ashyoviy dalillar bilan qo‘lga olingan.
Hozirgi kunda holat yuzasidan tergov harakatlari davom ettirilmoqda, deyiladi Buxoro viloyati IIB Axborot xizmati xabarida.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter