Yalangoyoq o‘g‘ri yo‘lovchi samolyotini olib qochdi
Suratda harbiy samolyot.
Fransiya politsiyasi yo‘lovchi samolyotini o‘g‘irlab, Italiyadan Fransiyaga uchib o‘tgan 33 yoshli slovakiyalikni hibsga oldi.
Voqea kecha, 30-mart kuni sodir bo‘lgan.
«Europe 1» radiostansiyasining xabar berishicha, samolyot Tulon (Fransiya)dagi harbiy-dengiz bazasi ustidan uchib o‘tganidan so‘ng hukumat Nitssa havo kengliklarini yarim soatga yopib qo‘yishga majbur bo‘ldi.
Samolyotni tutish uchun havoga ko‘tarilgan Fransiya harbiy-havo kuchlarining «Mirage 2000» qiruvchi samolyoti qoidabuzarni Eks-le-Mil aerodromiga majburan qo‘ndirdi.
O‘g‘irlangan samolyotning na uchish rejasi, na radioaloqasi bo‘lib, pastlab uchgan. O‘g‘ri-uchuvchi qarshilik ko‘rsatmadi, deyiladi xabarda.
Samolyot o‘g‘risining hujjatlari, hatto poyabzali ham yo‘q — faqat paypoqda bo‘lgan. Politsiyachilarga u ingliz tilida yozilgan xatni berdi, uning mazmuni ochiqlanmadi. Hozir u hibsda tutib turilibdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter