Android qurilmalar uchun Xabar.uz mobil ilovasi. Yuklab olish ×

Namanganda ikki erkakning «qilig‘iga yarasha» javob qaytargan qizga ochilgan jinoyat ishi yopilgani aytilmoqda  

Namanganda ikki erkakning «qilig‘iga yarasha» javob qaytargan qizga ochilgan jinoyat ishi yopilgani aytilmoqda   

Foto: Toirbek Komiljonov

2020 yilning 25 iyun kuni 23 yoshli Gulsanam Alijonova Norin tumani Zarbdor MFY hududidan o‘tgan avtomobil yo‘lida 33 yoshli U.A. hamda 30 yoshli A.N. ni kaltaklagani haqidagi xabar shov-shuv ko‘targan edi.

Mazkur holat yuzasidan Norin tumani IIB huzuridagi Tergov bo‘limi tomonidan G.A., ga nisbatan O‘zbekiston Respublikasi Jinoyat kodeksining 277-moddasi 3-qismi «g» bandi (jamoat tartibini saqlash vazifasini bajarib turgan hokimiyat vakili yoki jamoatchilik vakiliga yoxud bezorilik harakatlarining oldini olish chorasini ko‘rgan boshqa fuqarolarga qarshilik ko‘rsatib sodir etilgan bezorilik) bilan jinoyat ishi qo‘zg‘atilgani ma’lum qilingandi.

Biroz vaqt o‘tib Gulsanam Alijonova voqea tafsilotlari haqida gapirib bergandi.

U Andijonga turmushga chiqqan opasini kuzatishga chiqib, taksi gapashishayotganda yoniga Spark mashinasi yaqinlashib, uning ichidagi yigitlardan biri futbolka va shortikda bo‘lgani uchun qizga masxaromuz qiliq qilgani, sportchi qiz esa ularning qilig‘iga yarasha javob berganini aytgandi.

Jurnalist Rahimjon Sultonovning ma’lum qilishicha, bugun u Gulsanam Alijanova bilan telefonda gaplashgan. Qizning so‘zlariga ko‘ra, unga ochilgan jinoyat ishi tugatilgan.

Bu haqda huquqni muhofaza qilish organlari tomonidan rasmiy ma’lumot berilmagan.

Izohlar

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring