Departament: Yashnobod tumanida yo‘l qurilishidan katta mablag‘ o‘zlashtirilgan
Bosh prokuratura huzuridagi Departamentning Yashnobod tuman bo‘limi tomonidan tergovga qadar tekshiruv o‘tkazilgan.
Ma’lum bo‘lishicha, buyurtmachi Yashnobod tumani obodonlashtirish boshqarmasi, bosh pudratchi «T.Y.» va yordamchi pudratchi «T.O.» MChJ mansabdor shaxslari tumandagi 6 ta ichki yo‘llarni ta’mirlash ishlari olib borishlari kerak bo‘lgan.
Ammo tuzilgan hujjatlarga soxta ma’lumotlar kiritib, amalda 278 mln so‘mlik yo‘l qurilish va ta’mirlash ishlarini bajarmasdan budjet mablag‘larini o‘zlashtirish yo‘li bilan talon-toroj qilganliklari aniqlangan.
Hozirda mazkur holat yuzasidan Jinoyat kodeksining 167-moddasi (talon-toroj qilish) va 209-moddasi (mansab soxtakorligi) bilan jinoyat ishi qo‘zg‘atilib, tergov harakatlari o‘tkazilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter