Dubayda dunyodagi eng yirik sabzavot fermasi quriladi
«Crop One Holdings» kompaniyasi Dubayda jahondagi eng yirik vertikal ferma qurmoqchi. «Business Insider» xabar berishicha, haytek-ferma maydoni 40 ming kvadrat metrdan kam bo‘lmaydi.
Vertikal fermada sabzavotlar yopiq binoda, ultrabinafsharang nurlanish o‘rnini bosuvchi svetodiodlar yorug‘ligida yetishtiriladi. Tuproq ham bo‘lmaydi — o‘simliklar maxsus oziq moddalarga to‘yintirilgan suv bilan sug‘oriladi. Kuniga uch tonnagacha hosil olish rejalashtirilgan. Loyiha sarmoyadorlaridan biri — «Emirates Flight Catering» kompaniyasi o‘z hosili bilan aviakompaniyalarni ta’minlamoqchi.
Ferma qurilishi 2018-yil noyabr oyidan boshlanadi, birinchi hosil esa 2019-yilda olinadi.
E’tiborli jihati, Dubayda qurilajak ferma maydon jihatidan AQShning Nyu-Ark shahridagi ayni paytdagi eng yirik ferma(21 ming kvadrat metr)dan ikki baravar katta bo‘ladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter