Bayram va muhim sanalar

• Xalqaro intellektual mulk kuni.
• Radiatsion avariya va halokatlarda qurbon bo‘lganlarni xotirlash kuni (Rossiya, Ukraina).

Voqea-hodisalar

• 1457-yil (mil. av.) yil — Megiddo jangi. Misr fir’avni Tutmos III qo‘shini Shimoliy Suriya va Falastin ittifoqchi qo‘shinlari ustidan g‘alaba qozondi.
• 1607-yil — Amerikada doimiy yashash uchun yo‘lga chiqqan ingliz oilalari kemasi Genri burni(Virjiniya)ga yetib keldi.
• 1783-yil — o‘n uch yoshli Lyudvig van Betxoven Bonndagi saroy orkestriga klavishli sozlar chaluvchi sifatida ishga olindi.
• 1795-yil — Rossiya Kurlyandiya(hozirgi Latviyaga qarashli yerlar)ni o‘ziga qo‘shib oldi.
• 1798-yil — Fransiya Jeneva respublikasini o‘ziga qo‘shib oldi.
• 1799-yil — Adda daryosidagi jang. Aleksandr Suvorov qo‘mondonligidagi Rossiya-Avstriya armiyasi Jan Moro yetakchiligidagi fransuz armiyasini mag‘lubiyatga uchratdi.
• 1803-yil — Legl (Fransiya) shahri tevaragiga minglab meteorit parchalari yog‘ildi. Shundan so‘ng olimlar meteoritning haqiqatan ham mavjudligiga ishonishdi.
• 1828-yil — Rossiya imperiyasi Usmonlilar imperiyasiga urush e’lon qildi.
• 1860-yil — Ispan qirolligi va Marokash sultonligi o‘rtasidagi Afrika urushi yakuniga yetdi.
• 1865-yil — AQSh fuqarolar urushi: Konfederatsiya generali Jozef Jonston o‘z armiyasi bilan Uilyam Sherman boshchiligidagi Ittifoq qo‘shiniga taslim bo‘ldi.
• 1921-yil — London ko‘chalarida mototsiklli politsiya patruli paydo bo‘ldi.
• 1937-yil — Ispaniyadagi fuqarolar urushi: Gernika shahriga Germaniya va Italiya aviatsiyasi bomba yog‘dirdi.
• 1942-yil — Xitoyning Lyaonin viloyatidagi Bensi konida portlash yuz berdi, 1547 kishi halok bo‘ldi.
• 1954-yil — SSSR Oliy kengashi prezidiumi farmoni bilan RSFSR tarkibidagi Qrim viloyati Ukraina SSR tarkibiga o‘tkazildi.
• 1966-yil — Toshkentda 8 balli zilzila ro‘y berdi.
• 1986-yil — Chernobil AESida portlash yuz berdi. Insoniyat tarixidagi eng yirik texnogen halokatlardan biri.
• 1994-yil — Nagoya (Yaponiya) aeroportiga «A300» samolyoti qulab tushdi. Falokat natijasida samolyot bortidagi 271 kishidan 7 nafari omon qoldi.
• 1996-yil — «Amir Temur» ordeni ta’sis etildi (O‘zbekiston).

Tavallud kunlari

• 1575-yil — Mariya Medichi, fransuz qirolichasi.
• 1711-yil — Devid Yum, shotland faylasufi va tarixchisi.
• 1798-yil — Ejen Delakrua, fransuz rassomi.
• 1812-yil — Alfred Krupp, nemis sanoatchisi, «Krupp» konserni asoschisi.
• 1886-yil — Abdulla To‘qay, tatar shoiri.
• 1889-yil — Lyudvig Vitgenshteyn, avstriyalik faylasuf, matematik mantiq asoschisi.
• 1896-yil — Lutfixonim Sarimsoqova, O‘zbekiston xalq artisti.
• 1900-yil — Charlz Frensis Rixter, amerikalik fizik va seysmolog. Zilzila kuchini baholash shkalasini ishlab chiqqan.
• 1936-yil — Botir Zokirov, O‘zbekiston xalq artisti.
• 1940-yil — Jorjo Moroder, bastakor, disko musiqa yo‘nalishi asoschilaridan biri.