Abdulaziz Komilov Germaniya elchisini qabul qildi
Bugun, 23-may kuni O‘zbekiston Respublikasi Tashqi ishlar vaziri Abdulaziz Komilov Germaniya Federativ Respublikasining favqulodda va muxtor elchisi Gunter Overfeldni qabul qildi. Bu haqda vazirlik rasmiy sayti xabar berdi.
Muloqot chog‘ida ikki tomonlama aloqalarni yanada rivojlantirishning amaliy jihatlari muhokama qilindi. Alohida e’tibor iqtisodiy, investitsion, savdo va texnologiya sohalaridagi hamkorlik istiqbollariga qaratildi.
Uchrashuvda O‘zbekiston-Germaniya aloqalarini turli darajalarda va shakllarda, shu jumladan, davlat va jamoat tuzilmalari, biznes doira o‘rtasida delegatsiyalar almashinuvini faollashtirish bo‘yicha takliflar ham ko‘rib chiqildi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter
Izohlar mavjud emas