Bir necha fuqaroni 197 557 AQSh dollariga «uxlatganlar»ga jinoyat ishi qo‘zg‘atildi
Toshkentda kichkina bo‘lmagan firibgarlik fosh etildi. Bu haqda «Xabar.uz»ga Bosh prokuratura matbuot xizmati ma’lum qildi.
Unga ko‘ra, «W.C.C.» MChJ ta’sischilari M., A. va boshqalar 2019-yilning oxirgi to‘rt oyi nari-berisida 8 nafar fuqaroni «C» kriptovalyutasini rivojlantirishga pul tiksa, katta foyda olishini va’da qilib, ularning 197 557 AQSh dollarini firibgarlik yo‘li bilan qo‘lga kiritgan.
Mazkur jinoyat Bosh prokuratura huzuridagi Departamentning Toshkent shahar boshqarmasi tomonidan o‘tkazilgan tergovga qadar tekshiruvida fosh etilgani aytiladi.
Holat yuzasidan allaqchon jinoyat ishi qo‘zg‘atilgan. Tergov jarayonida guruhning boshqa qilmishlari ham aniqlanishi ehtimoli yo‘q emas.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter