Ertadan O‘zbekiston va Qozog‘iston o‘rtasida avtobuslar qatnovi boshlanadi
2022-yilning 16-martidan O‘zbekiston va Qozog‘iston o‘rtasida ikki tomonlama muntazam xalqaro avtobus yo‘nalishlarida qatnovlar qayta tiklanadi. Bu haqda O‘zbekiston transport vazirligining axborot xizmati ma’lum qildi.
Xabarga ko‘ra, shuningdek, Qozog‘iston orqali Rossiya va Qirg‘izistonga tranzit avtobus tashuvlarini tashkil etish yuzasidan muzokaralar olib borilyapti.
2022-yil 16-martdan tashuvchilar tomonidan Toshkent – Nursulton, Toshkent – Olmaota, Toshkent – Qizilo‘rda, Toshkent – Turkiston, Toshkent – Irgeli, Chirchiq – Chimkent, Chirchiq – Olmaota yo‘nalishlarida qatnovlarni amalga oshirish rejalashtirilgan.
O‘zbekiston va Qozog‘iston o‘rtasidagi xalqaro avtobus qatnovlari koronavirus pandemiyasi sababli 2020-yilning 16-mart kuni to‘xtatilgan edi — roppa-rosa ikki yil avval.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter