IIV: Bo‘stonliq tumaniga harakat vaqtincha cheklandi
IIV xabariga ko‘ra, Bo‘stonliq tumanida kirish vaqtincha cheklanmoqda.
«Respublikamizda koronavirusga qarshi olib borilayotgan choralar doirasida Toshkent viloyatining Bo‘stonliq tumanida transport vositalari harakati vaqtincha cheklanganligini va dam olish maskanlarida dezinfeksiyalash ishlari boshlanganligini ma’lum qilamiz.
Toshkent viloyati IIBB barcha fuqarolardan maxsus profilaktik tadbirlar tugaguniga qadar Bo‘stonliq tumaniga bormasliklarini hamda yuzaga kelgan vaziyatni to‘g‘ri baholashlarini so‘rab qoladi».
Bo‘stonliq tumani hududida harakatlanishga faqatgina shu joyda ro‘yxatda turuvchi mahalliy aholiga ruxsat etiladi.
Eslatib o‘tamiz, 24 martdan Toshkent shahriga ham kirish cheklanmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter