«2022–2026 yillarda «Obod qishloq» va «Obod mahalla» dasturlarini amalga oshirish chora-tadbirlari to‘g‘risida»gi Prezident qarori (PQ–172-son, 18.03.2022 y.) qabul qilindi. 

Unga ko‘ra 27 722,5 km ichki yo‘llar (2022 yilda – 5 113,2 km), 18 574,8 km ichimlik suv tizimlari (2022 yilda – 3 881,7 km tarmoq, 432 ta inshoot) yaxshilanadi;

• jami 5 962 ta fuqarolarning o‘zini o‘zi boshqarish organlari komplekslari, bozorlar (jumladan, 2022 yilda 253 ta mahalla binosi va guzar, 894 ta bozor) quriladi hamda ta’mirlanadi;
• 5 284,2 km optik tolali aloqa tarmoqlari (2022 yilda – 1 327,1 km) quriladi;
  78 ta yangi avtobus yo‘nalishlari (2022 yilda 16 ta) tashkil etiladi.

Ichki yo‘llarni ta’mirlash uchun 2 trillion so‘m, ichimlik suv ta’minotini yaxshilash uchun 1 trillion so‘m, ijtimoiy soha va boshqa ob’yektlarni qurish (ta’mirlash) va obodonlashtirishga 1,4 trillion so‘m mablag‘ ajratiladi.

Qarorga ko‘ra, 2023 yildan:

• qishloq va mahallalardagi mavjud ishlab chiqarish hamda ijtimoiy infratuzilma ob’yektlarining haqiqiy holati tasdiqlangan mezonlar asosida baholanib boriladi;
• baholash natijalariga ko‘ra eng past ko‘rsatkich qayd etgan va o‘tgan davr mobaynida Dasturlarga kiritilmagan qishloq va mahallalar Dasturlarga birinchi navbatda kiritiladi.