Kartoshkani pishirish uslubi uning sog‘lom taomligiga ta’sir qiladi, deb ogohlantirdi diyetolog Tatyana Zaletova. Mutaxassis Aif.ru bilan suhbatda kartoshkani pishirish yo‘llari haqida gapirdi. 

Shifokorning so‘zlariga ko‘ra, kartoshkani yog‘da qovurish kanserogenlarning paydo bo‘lishiga olib keladi, organizmda oksidlovchi stressni oshiradi, shuningdek, insulin sezgirligini yomonlashtiradi va qon tomirlariga zarar yetkazadi.

Zaletova qo‘shimcha qildiki, qovurish foydali tolalarni yo‘q qiladi va tayyor taomning glisemik indeksini oshiradi. 

Shifokor qaynatish yoki bug‘da pishirishni kartoshka pishirishning sog‘lom usullari deb atadi. Mutaxassis bunday kartoshkani ko‘katlar va sabzavotlar bilan, shuningdek, sog‘lom yog‘lar bilan - masalan, zaytun moyi birga iste’mol qilishni tavsiya qildi. 

Zaletova qaynatilgan kartoshka past kaloriyali tarkibga ega ekanligini ta’kidladi - 100 gramm uchun atigi 80 kilokal. Biroq, agar siz unga sariyog‘ yoki sut qo‘shsangiz, kaloriya miqdori sezilarli darajada oshadi.