«Kvartplata»dan qarzi borlarning elektrga pul to‘lashi cheklanadi
O‘zbekistonda «kvartplata»ni to‘lamaganlarning elektrga pul to‘lashi cheklanadi.
Bu haqda «Ko‘p kvartirali uylarni boshqarish tizimini yanada takomillashtirish bo‘yicha qo‘shimcha chora-tadbirlar to‘g‘risida»gi Prezident qarorida aytiladi.
2026-yilning 1-iyulidan ko‘p kvartirali uy mulkdori har oyning 15-sanasiga qadar majburiy to‘lovlarni amalga oshirmasa, qarzdorlik bartaraf etilmagunga qadar elektr energiyasi uchun to‘lovlar qabul qilinmaydi.
Shuningdek, har bir kechiktirilgan kun uchun jismoniy shaxslar uchun — 0,1 foiz, yuridik shaxslar uchun — 0,4 foiz, biroq bir oylik qarzning 50 foizidan oshmaydigan miqdorda penya hisoblanadi.
Eslatib o‘tamiz, ushbu qarorga ko‘ra, yangi uylarga domofon va kamera o‘rnatish ham majburiy bo‘ladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter