MIBga yangi rahbar tayinlandi
Bosh prokuratura huzuridagi Majburiy ijro byurosiga direktor tayinlandi. Shu paytgacha byuro direktorining birinchi o‘rinbosari vazifasida ishlab kelgan Hasan Kabirjanov MIBning to‘laqonli rahbariga aylandi.
Byuroning avvalgi rahbari Botir Qudratxo‘jayev o‘tgan oyda Xorazm viloyati prokurori etib tayinlangandi.
Hasan Kabirjanov prokuraturaning muhim tarmog‘i bo‘lgan Iqtisodiy jinoyatlarga qarshi kurashishi departamenti (oldingi SVOJJDLQKD) tizimida suyagi qotgan mutaxassis. Bir muddat Markaziy bankda ham faoliyat ko‘rsatgani aytiladi. 2018-yili byuro direktorining birinchi o‘rinbosari lavozimiga o‘tkazilgandi.
Eslatib o‘tamiz, Majburiy ijro byurosi direktori maqomi Bosh prokuror o‘rinbosarligiga tenglashtirilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter