Mobiuz Qoraqalpog‘iston Respublikasi va Xorazm viloyatida mobil internet tezligi bo‘yicha yetakchi deb tan olindi. Bu haqda «O‘zbekiston telekommunikatsiya tarmoqlarini boshqarish respublika markazi» DUK mustaqil radiomonitoring natijalariga ko‘ra xabar berdi.

O‘lchash ishlari qanday olib borildi?

O‘zbekiston telekommunikatsiya tarmoqlarini boshqarish respublika markazi ma’lumotlariga ko‘ra, 2025 yilning 5-24 avgust kunlari mamlakatning ikkita g‘arbiy mintaqasining shahar va tumanlarida radiomonitoring o‘tkazildi. Maxsus avtomobil yordamida mobil aloqa qamrovi va barcha mobil aloqa operatorlari tomonidan ko‘rsatilayotgan xizmatlar sifati ko‘rsatkichlari baholandi. 4000 km dan ortiq masofani qamrab olgan yo‘nalish tekshirildi.

Radiomonitoring natijalariga ko‘ra, Mobiuz ma’lumotlar uzatish tezligi va tarmoq barqarorligi bo‘yicha eng yuqori baholarni qo‘lga kiritdi. Mobil internetning o‘rtacha tezligi:

• Qoraqalpog‘iston Respublikasida 59,99 Mbit/s;
• Xorazm viloyatida 36,79 Mbit/s ni tashkil etdi.

Natijalar nimadan dalolat bermoqda?

Qoraqalpog‘iston Respublikasi va Xorazm viloyatida mobil internet tezligi va tarmoq barqarorligi bo‘yicha yetakchilik SWAP (uskunalar va texnik ob’yektlarni modernizatsiya qilish) loyihasi samaradorligining bevosita isbotidir. Ushbu loyiha Mobiuz hamda ZTE korporatsiyasi bilan hamkorlikda amalga oshirildi.

O‘tkazilgan ishlar davomida tayanch stansiyalardagi uskunalar to‘liq almashtirildi va o‘tkazuvchanlik qobiliyati hamda ishonchliligi yuqori bo‘lgan zamonaviy uskunalar o‘rnatildi.

Faqatgina Qoraqalpog‘iston Respublikasida 636 ta yangi tayanch stansiyalari ishga tushirildi, 376 ta radiorele oraliqlari almashtirildi. Xorazm viloyatida esa 593 ta yangi tayanch stansiya ishga tushirilib, 314 ta radiorele oralig‘i almashtirildi. Natijada tarmoqlarning qamrov zonalari kengaydi, ulanish vaqti qisqardi, ma’lumotlarni uzatish tezligi oshdi va tarmoqlardagi kechikishlar kamaydi.

Bundan keyingi rejalar qanday?

Joriy yilda Mobiuz butun O‘zbekiston bo‘ylab tarmoqlarni modernizatsiya qilish va zamonaviy texnologiyalarni joriy etishga qaratilgan bir qator investitsion loyihalarni amalga oshirmoqda. Farg‘ona vodiysi shaharlarida 5G tarmog‘i muvaffaqiyatli ishga tushirildi. O‘zbekistonning ikkita g‘arbiy hududida SWAP loyihasi amalga oshirildi. Bir qator hududlarda tarmoqlarni modernizatsiya qilish, shuningdek, barcha hududlarda tayanch stansiyalarini ishga tushirish bo‘yicha ishlar davom etmoqda.

Mobiuz o‘z oldiga «Insonlarni birlashtirib, innovatsiyalar bilan kelajak sari intilishni» maqsad qo‘ygan. Loyihalarni muvaffaqiyatli amalga oshirish orqali kompaniya o‘z yetakchiligini tasdiqlamoqda, investitsiyalarni oqlab, rivojlanishning strategik yo‘nalishlarini saqlab qolmoqda.

Ma’lumot uchun: Raqamli texnologiyalar vazirligining «O‘zbekiston telekommunikatsiya tarmoqlarini boshqarish respublika markazi» davlat unitar korxonasi telekommunikatsiya tarmoqlari va resurslarini boshqarish bo‘yicha ishchi organ etib belgilangan va unga operatorlar telekommunikatsiya tarmoqlarining holati va sifatini Vazirlik tomonidan belgilangan xizmatlar sifati standartlariga muvofiqligi ustidan tizimli monitoring olib borish vazifasi yuklatilgan.