Peterburg metrosi orqasidagi qarovsiz yerdan bola jasadi topildi
Sankt-Peterburg metrosining «Kupchino» bekati yaqinidagi qarovsiz yerdan 11 yoshli bola jasadi topilgan. Bu xabarni huquqni muhofaza qiluvchi organlar ma’lumotiga asoslanib Peterburg tergov boshqarmasi matbuot xizmati tarqatgan.
«Kelib chiqishi o‘zbekistonlik bo‘lgan kishi 2018-yil 26-yanvar kuni huquqni muhofaza qiluvchi organlarga o‘g‘li to‘satdan yo‘qolib qolgani to‘g‘risida xabar bergan. Vitebsk ko‘chasi, 5-korpus, 101-uy yaqinida joylashgan qarovsiz hududdan esa bolaning murdasi topilgan, Tanada zo‘rlash, qiynoq alomatlari bor», — deyiladi xabarda. Marhumning pochchasi (opasining eri) ko‘rsatmalaridan keyin tana topilgan.
«Life.ru» nashrining yozishicha, jasad topilgach, uning 39 yoshli onasi qamoqqa olingan. Hozircha unga biror ayblov qo‘yilmagan.
«24.kg» nashri esa voqea ishtirokchilarini «qirg‘izistonlik» deya ma’lumot bergan. Ammo «RIA Novosti» agentligi rasmiy saytida bolaning ota-onasi o‘zbekistonlik ekani aytilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter