Toshkentda 7 tonnalik sumalak tayyorlanmoqda
Toshkentdagi Central Park bog‘ida og‘irligi 7 tonnani tashkil etuvchi rekord qiymatdagi bayramona taom – sumalak tayyorlanmoqda.
Tadbir O‘zbekiston Respublikasi Turizmni rivojlantirish davlat qo‘mitasi, O‘zbekiston Oshpazlar uyushmasi, Toshkent shahar hokimiyati hamda Coca-Cola kompaniyasi bilan hamkorlikda tashkil etildi.
An’anaviy taomni tayyorlash uchun 1,25 tonna bug‘doy va 4 tonna undan foydalanildi. Taomni tayyorlash jarayonida 80 oshpaz ishtirok etmoqda.
Milliy taom xayriya maqsadida tayyorlanmoqda – 30-mart kuni tayyor ovqat Mehribonlik uylari, shuningdek poytaxt aholisi va mehmonlariga tarqatiladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter