Qashqadaryo viloyat sog‘liqni saqlash boshqarmasi boshlig‘i o‘zgardi
Sog‘liqni saqlash vazirining tegishli buyrug‘i bilan Respublika shoshilinch tibbiy yordam ilmiy markazi Qashqadaryo filiali direktori vazifasida ishlab kelgan Tulakov Ravshan Panjiyevich Qashqadaryo viloyat sog‘liqni saqlash boshqarmasi boshlig‘i etib tayinlandi.
Tibbiyot fanlari nomzodi, 48 yoshli Ravshan Tulakov Respublika shoshilinch tibbiy yordam ilmiy markazi Qashqadaryo filiali xirurgiya bo‘limi vrachi, filialning umumiy masalalar buyicha direktor o‘rinbosari lavozimlarda ishlagan.
Shavkat Mirziyoyevning joriy yil 12-13-noyabrdagi Qashqadaryo viloyatiga tashrifi davomida tizimdagi qator muammolar tanqidiy ko‘rib chiqilgan edi. Yangi rahbarga hududning tibbiy salohiyatini yuksaltirish, chekka qishloq joylariga malakali tibbiyot xodimlarini jalb qilish, aholi orasida sog‘lom turmush tarzi va to‘g‘ri ovqatlanish madaniyatini oshirish kabi qator muhim vazifalar yuklatildi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter