Toshkentdagi bosh archa atrofida o‘nlab bola yo‘qoldi
Shu yilning 2-yanvar kuni Toshkentdagi bosh archa atrofida 2 yoshdan 15 yoshgacha bo‘lgan 24 nafar bola yo‘qolgan. Toshkent shahar IIBB xodimlari sa’y-harakati bilan ularning barchasi topilib, ota-onalariga topshirildi, deb xabar berdi IIBB matbuot xizmati.
Ba’zi holatlarda ichki ishlar xodimlariga bolalarning yaqinlari murojaat qilgan. Boshqa hollarda esa yig‘lab turgan bolalarni xodimlar yoki atrofdagi boshqa kishilar ko‘rib qolishgan.
Yangi yil tadbirlari Toshkentda 8 yanvarga qadar davom etadi. IIBB ota-onalardan sergak bo‘lishni, imkon qadar bolalarning qo‘llaridan ushlab yurishni tavsiya qilgan. Bola yo‘qolgan holda zudlik bilan shu atrofdagi ichki ishlar xodimlariga murojaat qilish so‘ralgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter