Urganchdagi Jaloliddin Manguberdi haykali majmuasi qurilishi yakunlandi
Urganch shahridagi Jaloliddin Manguberdining ot ustida tasvirlangan haykali majmuasida qurilish ishlari nihoyasiga yetkazildi. Bu haqda Xorazm viloyat hokimi Farhod Ermanov murojaatnoma vaqtida ma’lum qilib o‘tdi.
— Urganch shahrida transport vositalari tirbandligining oldini olish maqsadida Al-Xorazmiy va Islom Karimov ko‘chalari chorrahasida soatiga 3,5 ming avtomobilni o‘tkazish quvvatiga ega yer osti o‘tish yo‘li foydalanishga topshirildi. Jaloliddin Manguberdi haykali majmuasida ham qurilish ishlari nihoyasiga yetkazildi, — dedi hokim.
Murojaatda aytilishicha, Shovot tumanini Qoraqalpog‘istonning Qorao‘zak tumani bilan bog‘lovchi uzunligi 79 km bo‘lgan Shovot-Gurlan-Jumurtov-Qipchoq temir yo‘li hamda Amudaryo ustida uzunligi 413 metr bo‘lgan avtomobil va temir yo‘l ko‘prigida qurilish ishlari jadal sur’atlar bilan olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter