AQShning yangi saylangan prezidenti Jo Bayden gubernatorlar bilan koronavirusga qarshi kurashni muhokama qildi, deya xabar berishdi jurnalistlar.

Yig‘inda 30 dan ortiq shtat gubernatorlari, AQShning yangi saylangan vitse-prezidenti Kamala Xarris va Baydenning koronavirus bo‘yicha koordinatorlari ishtirok etishdi.

Bayden shtatlar shu kungacha COVIDga qarshi kurashda yetarlicha yordam olmaganini aytdi. Shuningdek, u ma’muriyatining dastlabki 100 kunidagi maqsadlarini takrorladi: amerikaliklar uchun 100 million doza vaksina.

«Biz dastlabki yuz kun ichida 300 million kishini emlay olmaymiz, ko‘pchilik o‘lishda davom etadi», — deya tan oldi Bayden.

«Yuz kundan so‘ng maktablar ochilishini talab qilaman», — deya qo‘shimcha qildi u.

Bayden ma’muriyatining dastlabki 100 kunida AQShning barcha aholisidan niqob taqishni iltimos qildi.

«Worldometers» ma’lumotlariga ko‘ra, AQShda koronavirusga chalinganlar soni 17.392.618 kishiga yetdi (17.12.2020 — soat 9:00). 314.577 bemor hayotdan ko‘z yumdi.

Pandemiya boshlangandan beri 2020-yil 17-dekabr soat 9:00 holatiga ko‘ra sayyoramizda 74.534.155 kishi COVID-19 bilan kasallandi. Ulardan 1.655.226 nafari vafot etdi. 52.372.534 kishi kasallikdan forig‘ bo‘ldi.