Android qurilmalar uchun Xabar.uz mobil ilovasi. Yuklab olish ×

Koronavirus tufayli o‘limning yana bir sababi aniqlandi

Koronavirus tufayli o‘limning yana bir sababi aniqlandi

Foto: «Yandex.ru»

Yevropa Ittifoqi aholisi orasida o‘lim sabablaridan biri — atrof-muhit omillari, jumladan, havo ifloslanishi va anomal issiqlik. Bu haqda Yevrokomissiya saytida chop etilgan ma’lumotlar guvohlik bermoqda.

Har sakkizinchi yevropalik (mintaqadagi jami aholining 13 foizi) «atrof-muhit sifati yomonligi» bois vafot etyapti. Hisobotda ta’kidlanishicha, ushbu omil bilan o‘lim darajasi o‘rtasida to‘g‘ridan-to‘g‘ri bog‘liqlik bor.

«Atrof-muhit sifatini yaxshilash orqali ushbu o‘limlarning oldini olish va statistikani sezilarli darajada kamaytirishga erishish mumkin», — deyiladi hujjatda.

Xullas, havoning ifloslanishini salomatlikni yomonlashtiruvchi xavfli sabablardan biri deya atashdi: har yili u 400 ming kishining o‘limiga olib kelmoqda. Ifloslangan havoda xavfli moddalarning uzoq vaqt ta’sir ko‘rsatishi diabet, saraton va o‘pka kasalliklarini chaqirishi mumkin. Shuningdek, ifloslanish tufayli COVID-19 pnevmoniyasi bilan kasallangan bemorlar orasida o‘lim ko‘rsatkichi oshayotgan bo‘lishi ehtimoldan xoli emas.

Izohlar

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring