Koronavirus: Yaponiyada kundan-kunga rekordlar yangilanmoqda
Yaponiyada koronavirus infeksiyasini yuqtirish soni bo‘yicha rekord ko‘rsatkich qayd etildi. Bu haqda Jons Xopkins universiteti xabar bergan.
31-iyul holatiga ko‘ra, 1463 kishi koronavirusga chalingan. Bu ikkinchi kun ketma-ket rekord yangilanayotgani: kuni kecha, ya’ni 30-iyul kuni 1367 ta yuqtirish holati qayd etilgandi.
Shunga qaramay, kunchiqar o‘lkada o‘lim darajasi rekord darajada kam: iyul oyida o‘lim soni kuniga beshtadan oshmadi. Taqqoslash uchun, may oyida kuniga 50 talab odam hayotdan ko‘z yumgan.
Yaponiyada 36 180 kishi koronavirusga chalingan. Kasallanganlarning yarmi — 12 mingtasi Tokio hissasiga to‘g‘ri keladi. Ulardan 6 ming nafari iyul oyida aniqlangan. Mamlakatda koronavirusdan 1007 kishi vafot etgan bo‘lsa, 24 774 kishi tuzalgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter
Izohlar mavjud emas