Ayrim tovarlar importida 2024-yilgacha bojxona bojining nol stavkasi qo‘llaniladi – Farmon
Prezidentning joriy yil 23-martdagi «Iste’mol bozorlarida narxlar barqarorligini ta’minlashga doir qo‘shimcha chora-tadbirlar to‘g‘risida»gi farmoni bilan 2024-yil 1-yanvargacha O‘zbekistonga olib kirishda bojxona bojining nol stavkasi qo‘llaniladigan tovarlar ro‘yxati (36 ta) tasdiqlandi.
Shuningdek, ayrim iste’mol tovarlariga nisbatan bojxona boji nol stavkada qo‘llanilishi uzaytirilgan.
Jumladan:
- yogurt; paxta, ivigan sut yoki qaymoq, qatiq;
- pishloq va tvoroglar;
- yangi yoki quritilgan xurmo (finik), anjir, ananas, avokado, guava, mango va mangostin yoki garsiniya;
- yangi olma, nok va behi;
- bug‘doy yoki javdardan tashqari g‘alla donidan un;
- kakao tarkibli shokolad va boshqa tayyor oziq-ovqat mahsulotlari.
Eslatib o‘tamiz, ilgari mazkur muddat Prezidentning 2022-yil 31-maydagi farmoniga asosan 2023-yilning 1-iyuliga qadar edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter