«mandat.uzbmb.uz» saytidagi ochiq ma’lumotlarga ko‘ra, joriy yilda 888 ming 472 nafar abituriyent testga kirgan.

439 ming 337 nafar (49,4%) abituriyent o‘tish balining eng quyi chegarasi bo‘lgan 56,7 balni ham to‘play olmagan.

56,7 dan ko‘p ball to‘plagan abituriyentlar soni 449 ming nafarni (50,6%) tashkil qilmoqda.

Ma’lumot o‘rnida, 2022 yilda 51,2% foiz, aniqrog‘i 550 ming abituriyent 56,7 ball ham to‘play olmagan edi. Joriy yilda bu ko‘rsatkich 49,4% ga tushgan.

2023 yilda eng yomon ko‘rsatkich, Sirdaryo viloyatida (54,9%), nisbatan yaxshiroq natija esa xuddi o‘tgan yildagidek Toshkent shahrida (40,8%) qayd etilgan (yuqoridagi jadvalga qarang).

8 ta hududda abituriyentlarning 50 foizdan ko‘prog‘i 56,7 balldan past ball olgan. O‘tgan yili 9 ta hudud edi, joriy yil Namangan viloyati natijani yaxshilab, 50% dan pastga tushgan.

O‘tgan yilga qaraganda natijasini eng ko‘p yaxshilagan 5 ta hudud:

Toshkent shahri — 4,4%

Buxoro — 4,4%

Toshkent viloyati — 3,5%

Namangan — 3,3%

Farg‘ona — 2,4%

Sirdaryo va Andijon viloyatida esa natija o‘tgan yilgiga qaraganda yomonlashgan.