Gulistonga Xitoydan 12 ta zamonaviy avtobus keltirildi
Yo‘lovchi tashish faoliyati bilan shug‘ullanuvchi «Trans Imkon Servis» MChJ tomonidan Guliston shahriga Xitoyda ishlab chiqarilgan «Zhong Tong» rusumli 12 dona avtobus keltirildi.
Olib kelingan yangi avtobuslar Guliston shahridagi yo‘nalishlarda faoliyat ko‘rsatayotgan «Isuzu» rusumli avtobuslar o‘rniga almashtirilishi rejalashtirilgan.
Shuningdek, «Guliston–Terminal» MChJ bilan xuddi shu rusumdagi 8 dona yangi avtobuslar xarid qilish bo‘yicha ham kelishuv shartnomalari tuzildi.
Ma’lumot uchun, umumiy hisobda Guliston shahriga 65 dona yangi avtobuslar xarid qilish rejalashtirilgan.
Eslatib o‘tamiz, mart oyida Jizzax shahriga ham Xitoy davlatidan 30 dona yo‘lovchi avtobusi keltirilgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter