Koreya tomoni O‘zbekistondan yana 6 bosh xizmat itini xarid qildi
Joriy yilning iyun oyida imzolangan shartnomaga ko‘ra, koreyalik mutaxassislar O‘zbekistondagi Milliy kinologiya markazidan yana 6 bosh xizmat itlarini xarid qildi.
Mazkur shartnoma doirasida Toshkent xalqaro aeroporti orqali 6 bosh xizmat itlari tegishli veterinariya diagnostika va ko‘riklardan muvaffaqiyatli o‘tkazilib, xalqaro tashish uchun zarur bo‘lgan hujjatlarni rasmiylashtirgan holda Koreyaga jo‘natib yuborildi.
Xabarda aytilishicha, Jessi, Bella, Farona, Rada, Fayz, Fariz laqabli xizmat itlarini koreyalik bojxonachilar qabul qilib olishgan. Ular iqlimga moslashish jarayonlari yakuniga yetgach, xizmatga safarbar qilinadi.
Eslatib o‘tamiz, avvalroq koreyalik mutaxassislar O‘zbekistondan 3 bosh xizmat itlarini eksport qilgan edi.
Bojxona qo‘mitasi xabariga ko‘ra, hozirga qadar Milliy kinologiya markazida yetishtirilib, giyohvandlikka qarshi kurashish yo‘nalishida tayyorlangan va Koreyaga yuborilgan xizmat itlari soni 12 taga yetgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter