Misrdan yana bir partiya «C» gepatitiga qarshi dori-vositalari yetib keldi
Misr hukumati tomonidan O‘zbekistonga insonparvarlik yordam sifatida ajratilgan «C» gepatitiga qarshi «Daklatasvir» dori vositalarining navbatdagi turkumi yetib keldi.
«Dunyo» AAning Qohiradagi O‘zbekiston elchixonasiga tayanib xabar berishicha, kecha, 12 avgust kuni mazkur insonparvarlik ko‘magining o‘n uchinchi turkumi Sharm ash-Shayxdan Toshkentga yetkazilgan. Jami 80 dona qutida 1 280 ta «Daclatasvir-60 mg» dori vositalari O‘zbekiston SSV huzuridagi Virusologiya ilmiy-tekshirish instituti tomonidan taqsimlanadi.
Qayd etilishicha, Misr Sog‘liqni saqlash vazirligi 5-8 sentyabr kunlari Qohirada o‘tkazadigan «Aholi, salomatlik va rivojlanish bo‘yicha global kongress» ishida O‘zbekiston sog‘liqni saqlash vaziri Amrillo Inoyatovning ishtirok etishi kutilmoqda. Ushbu tashrif doirasida beg‘araz yordamni kengaytirish istiqbollarini muhokama qilish ham mo‘ljallangan.
Avvalroq, ushbu dori vositalarining oldingi partiyalari haqida ham ma’lumot berilgan edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter