O‘rta yer dengizining o‘ziga xos iqlimi, tabiiy va tarixiy joylashuvi Alaniyani mashhur sayyohlik maskaniga aylantirgan. Keng plyajlari, bolalar uchun turfa xil o‘yinlari va boy madaniy merosi bilan u barcha yoshdagi oila a’zolari uchun ko‘ngilochar va orombaxsh ta’tilni va’da qiladi.

Turar joy

Alaniyada oilaviy dam oluvchilar uchun turli xil turar joylar mavjud. Ko‘pgina mehmonxonalar oila uchun qulayliklarni taklif qiladi. Ularda bolalarning vaqtini chog‘ va mazmunli o‘tkazishi uchun bolalar klublari, suv slaydlari, o‘yin maydonchalari mavjud bo‘lib, ularga xursandchilik bag‘ishlash maqsadida animatsion shou kabi tadbirlar tashkil etiladi.
Bundan tashqari, alohida dachalar va ijaraga olingan villalar katta oilalarning har turdagi ehtiyojlarini qondira oladigan ideal turar joylar hisoblanadi.

Plyajlar va dengiz

Alaniya plyajlari oilaviy hordiq chiqaruvchilar uchun qulayligi bilan ajralib turadi. Kleopatra plyaji mayin qumi va sayoz dengizi bilan bolalar uchun xavfsiz suzish maydonini ta’minlaydi. Injequm plyaji, nomidan ham anglash mumkin, mayin qumi va bolalar uchun qulayligi bilan hamisha sevimli sohillar qatorida.
Ushbu plyajlarda suv sporti, plyaj o‘yinlari va oilaviy qatnashish mumkin bo‘lgan ko‘plab mashg‘ulotlar mavjud.

Qiziqarli tadbirlar

Shuningdek, Alaniyada oilaviy yoqimli lahzalar va tassurotlar taqdim etadigan qiziqarli tadbirlar muntazam tashkil etiladi. Alaniya akvaparki bolalar va kattalar kun bo‘yi dam olishlari mumkin bo‘lgan suv slaydlari va basseynlarga boy. Bundan tashqari, Damlatash g‘ori tabiiy go‘zalliklarga oshno bo‘lgan sayyohlar uchun ideal ekskursiya joyidir.
Alaniyadagi mashhur teleferik Alaniya qal’asiga chiqish, hayratlanarli manzarani tomosha qilish va tarixiy qal’ani yaqindan o‘rganish imkonini beradi.

Madaniy sayohatlar

Alaniyaning tarixiy va madaniy boyliklarini o‘rganish har doim qiziqarli bo‘lgan. Alaniya qal’asi, Qizil minora va Alaniya arxeologiya muzeyi kabi joylar bolalarga tarixni o‘rganish uchun katta imkoniyatlar yaratadi. Bundan tashqari, Alaniya kemasozlik zavodi va Dimchayi kabi joylar ham tashrif buyurishga arziydi.

Tabiatga sayohatlar

Alaniyaning tabiiy go‘zalliklarini kashf qilish uchun Dimchayida sayr qilishi yoki Toros tog‘lari safariga qo‘shilish mumkin. Dim g‘ori va Alara sharsharasi kabi tabiiy mo‘’jizalar tabiat ixlosmandlari uchun ayni muddaodir.
Shuningdek, Alaniya atrofidagi platolarda tabiat qo‘ynida sayr qilish va salqin tog‘ havosidan bahramand bo‘lish mumkin.

Ovqatlanish va dam olish

Alaniya restoranlarining oilalar uchun mos taomnomalari va mazali turk taomlari bolalar va kattalarning didiga mos kelishi shubhasizdir. Sohil bo‘yidagi dengiz manzarali restoranlarda taomlanish yoki shahar markazidagi kafelarda dam olish o‘zgacha zavq beradi. Bolalar uchun maxsus menyu taklif qiladigan restoranlar ham mavjud.