2023-yilning yanvar-oktyabr oylarida O‘zbekiston xorijga qiymati 951,3 mln AQSh dollariga teng bo‘lgan qariyb 1,5 mln tonna meva va sabzavotlar eksport qilgan.

Statistika agentligi ma’lumotlariga ko‘ra, eksport tarkibida:

• Uzum – 113 ming tonna (74,7 mln dollar);
• Shaftoli – 87,2 ming tonna (67,2 mln dollar);
• Mayiz – 46,6 ming tonna (54,1 mln dollar);
• Quritilgan olxo‘ri – 31,5 ming tonna (38,2 mln dollar);
• Gilos – 45 ming tonna (52,9 mln dollar);
• O‘rik – 63 ming tonna (40,7 mln dollar);
• Karam – 81,4 ming tonna (22,6 mln dollar);
• Pomidor – 49,9 ming tonna (37,6 mln dollar);
• Mosh – 89,6 ming tonna (71 mln dollar);
• Qovun-tarvuz – 145,9 ming tonna (39,6 mln dollar);
• Piyoz – 260,2 ming tonna (53,5 mln dollar);
• Tariq – 12,9 ming tonna (32,4 mln dollar).

Qayd etilishicha, bu ko‘rsatkichlar 2022-yilning mos davriga nisbatan 2,4 foizga yoki 35 ming tonnaga ko‘paygan.

Meva-sabzavot mahsulotlarining asosiy eksport bozorlari Rossiya (39,9 foiz), Pokiston (16,3 foiz), Qozog‘iston (11,3 foiz) hamda Xitoy (9,7 foiz) davlatlari hissasiga to‘g‘ri kelgan.