Toshkentda fuqaroning yuzini kesib qochgan fuqaro qidiruvga berildi
Toshkent shahri Sergeli tumanidagi avtomobil bozorida erkakning yuzini kesgan qashqadaryolik fuqaro qidiruvga berildi.
Bu haqda Toshkent shahar IIBB axborot xizmati ma’lum qilmoqda.
Qayd etilishicha, 2022-yilning 2-iyul kuni Sergeli tumanidagi avtomobil bozorida ikki erkak o‘zaro janjallashib qolgan. Oqibatda 1986-yilda tug‘ilgan M.B. qo‘ldagi pichoq bilan A. ismli fuqaroning yuz qizmini kesib yuboradi.
Huquq-tartibot idoralari xodimlari tomonidan ushbu holat yuzasidan 277-modda 2-qismi «v» bandi (Bezorilik) bilan jinoyat ishi qo‘zg‘atildi.
Hozirda ayblanuvchi qidirilayotgani ma’lum qilindi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter